近年好多連鎖餐飲集團都做埋外賣服務，客人只要一個電話，遠近都送到，本來足不出戶可以飽餐一頓，當然係好事，但內地就有不法分子，竟利用上門送餐服務嚟「掛羊頭賣狗肉」，客人除咗可以點餐外，仲可以點埋上門送餐嘅囡囡添！
話說喺徐州有部分網上討論區，不時都會刊登一啲外賣廣告，客人只要登入去，就會見到「美女送餐上門」嘅字樣，所謂美女照片，明顯係啲雜誌照片，但由於真係幾吸引，所以唔少網友都有興趣登入，但登入後就要先註冊做會員，費用全免。
網友做咗會員後，就可以瀏覽佢哋網頁，客人會先揀選外賣餐單，其實都係常見嘅外賣食品，例如漢堡包同炸雞等，價錢同連鎖店賣嘅都差唔多，揀好餐後，客人就可以跳進選擇上門囡囡嘅欄目，當中有近三十個囡囡，上面寫上名字同年齡，仲有啲交友條件。
但係咪真有其人，咁真係天知曉，而囡囡上門送餐每次只需小費一百蚊，到達後有45分鐘時間同客人相處，話會陪客人聊天，但孤男寡女共處一室，又點會只係聊天咁簡單，據講當囡囡上門後，客人唔出聲，囡囡都會主動提供額外服務。
當然，唔同嘅服務，收費都會唔同，有人會要求囡囡陪食飯，有人就要求佢哋按摩，呢啲一百幾十就有交易，至於再出位啲嘅，如果要同客人起機，就要收一百至百五蚊，至於直情想同囡囡短聚一刻，據報囡囡會開價三百，但經一輪討價還價之後，一般都二百就有交易，但要小心時間，過時五分鐘，公司係要客人補鐘錢嘅。
客路方面，大部分係喺當地讀書嘅大學生，事關一個人住宿舍，兩餐點都要有人照顧吓，另外一部分係當地小區嘅宅男，而佢哋幫襯嘅時間都會喺日頭，因為呢段時間父母都唔喺度，於是乘機叫外賣，順便搵埋個靚女嚟開心吓，實在係一舉兩得。
囡囡上門時會着普通外賣制服，但到門口時，囡囡會加件圍裙，戴個頭飾，馬上就會變身做女僕裝，客人見到當然零舍開心。網友提供咗個小秘訣，如果係熟客，當然會爭取時間，先嗒囡囡，後吔包包，但如果係生客，先食包包嘅話，囡囡慢慢至會引導客人入正路，通常都要加鐘至有下文，所以記住先嗒囡囡，後吔包包呀！
撰文：小德