為咗報答一眾夥計於過去一年，為工作付出嘅血汗，好多公司都會請食年夜飯。而年夜飯除咗可以大魚大肉，豪情暢飲之外，公司仲會安排大抽獎，等班夥計除咗飲飽食醉，仲有禮物帶返屋企。情況於內地亦好常見，不過佢哋就稱年夜飯為年終會，名稱稍有不同之外，更加插好多「誘人」環節添。
內地網友天馬話題最近就上載咗一輯相片，取材自一家公司舉辦嘅年終會，可以睇到現場大排筵席之外，仲出現好多三點式性感舞孃。嗰班舞孃除咗上台大跳艷舞外，更同員工們打成一片，跳起辣身舞嚟，令場面熱力四射，激情洋溢。如果香港嘅公司都能夠倣效，相信好多打工仔都會對公司誓死效忠啫！
網址http://yfdtk2001.blog.sohu.com/166673244.html
撰文：賢