好多人都認為初吻同初夜一樣咁印象深刻，事實上小弟我嘅初吻到家陣依然記憶猶新。雖然當晚喺K房飲得好醉，但係仲記得當時強吻我嘅係一名靚女，佢由於失戀嘅關係，見男人就錫，而又肥又唔靚仔嘅我亦難逃其「魔口」。所以到今時今日仲係印象難忘，成為揮之不去嘅回憶之一。事實上，根據美國一項醫學研究發現，接吻唔單只可以令男女雙方留下深刻印象，接吻次數多仲可以幫助冧女！原因係，男方能夠透過口水，將體內嘅睪丸酮素傳到女方體內，呢種賀爾蒙繼而影響女方嘅大腦，令佢更加鍾意錫佢嘅男人！次數愈多，自然就會愈來愈冧喇！所以，大家如果想女伴愛你愛到發晒狂，就唔好珍惜自己嘅口水喇！