傳統日本AV界女優都係先做「馬兵」，即係先拍打格仔，有馬賽克嘅三級作品，直至無法突破後，就會毅然落馬加入「步兵」行列，即係拍真刀真槍嘅四仔作品。但有囡囡一反傳統竟先做「步兵」再做「馬兵」，家陣又做番「步兵」後引退。
呢位咁出位嘅囡囡，就係飛鳥伊央。阿女生於1987年，喺06年出道，當時以川奈舞嘅名字加入「東熱」公司拍攝四仔，即係話佢20歲出道時，一開始就做步兵，足以證明飛鳥好有自己嘅一套發展計劃。由於飛鳥年輕又夠靚女，所以好快就喺步兵界闖出名堂，人氣急升，成為四仔界炙手可熱嘅紅星，於是引起大公司SOD嘅注意，決定簽佢做專屬女優，並以飛鳥伊央嘅名字重新出道。當時宣傳強勁，更安排咗佢喺新開嘅「純潔行星」系列中擔任首席女優，可以話係飛鳥事業，最巔峰嘅時刻。
但一年唔夠，呢個「純潔行星」系列因為種種原因，宣布停止，於是飛鳥變得投閒置散，最後更索性解約，提早引退。脫離咗大公司之後，無耐走上單體企劃女優之路，最後，舊公司「東熱」又搵佢返去拍四仔，而飛鳥亦欣然接受。舊公司於是打鑼打鼓，話飛鳥將會接替行將引退嘅雨宮琴音喺「Premium」系列中演出，但同時公司又接到飛鳥嘅通知，話拍完手頭通告後，就會喺步兵界退落嚟，呢個決定令唔少人跌晒眼鏡，但飛鳥就成為首個喺四仔出身，喺三仔成名，再喺四仔界引退嘅女優！
撰文：小德