現年廿一歲嘅英格蘭小姐冠軍Jessica Linley向傳媒話當選以來冇男人吼，阿妹話皆因身材驕人學歷高，唉，查實又使乜擔心咁多，阿妹你青春無敵，玩多幾年都冇有怕啦！相反，就快三張嘅索女脫星Jessica Jaymes自入行以嚟都冇仔敢埋身，今個情人節都係孤伶伶，咪因為衰太完美囉！
有一得必有一失，脫星Jessica Jaymes最明白呢個道理，鬼叫外界要求脫星樣靚身材正，仲要性技超凡，否則三更半夜點慰藉天下萬民呀？而Jessica Jaymes就正正係呢種脫星，有樣有波有技術，紅係理所當然，奈何當事人話一啲都唔開心，點解？「咪因為冇仔敢埋身囉！每個男人都以為我一定係拜金女，身邊不乏老闆包養，且對男友要求好高，所以佢哋為免失敗，一般都唔敢溝我，最大膽嗰啲都只係透過社交網站留言，依家啲男人真係冇鬼溝用呀！」冇用還冇用，但Jessica Jaymes心底嗰句都想有個男人依偎吓，既然冇仔主動出擊，惟有靠自己努力。Jessica Jaymes話：「等咗五年都冇拖拍，我唔想孤獨終老，呢一刻，只要有個合心水嘅男士出現，我就會主動出擊挑逗佢，希望可以一擊即中，假如可到達談婚論嫁階段，為對方退出脫星界我都甘願架！」嘩！Jessica Jaymes嘅犧牲真偉大，作為你嘅影迷，我祝願你一世搵唔到真愛囉！
為仔退出脫星界講就容易，但以Jessica Jaymes行內人氣如日中天，相信佢嘅另一半都承受唔起呢種壓力，睇怕單係要滿足Jessica Jaymes呢關都唔易過。Jessica Jaymes話：「確實我唔介意男友搵錢少過我，但性能力一定不能太曳，事關我每日工作就係上床搞嘢，工作同時亦係訓練，床技好理所當然，但漸漸對高潮麻木，假如另一半未能刺激到我，我情願食自己好過！」既然Jessica Jaymes都明白床第之間重要性，何不近水流台搵個男優充當男友呢？「呢個係美麗的誤會，查實當今男優性能力一啲都唔好，耐力亦只係靠藥物幫助，分分鐘一個嫖客都優勝過佢哋，咁你叫我點揀好呢？」原來如此，照咁睇下個情人節都未搵到心上人囉！
出生日期：1981年3月8日
三圍：32D-22-33
身高：5呎7吋
撰文：祖