春節期間有老友做好心，竟然畀佢行大運。話說佢返上寶安嘅親戚屋企過年，大年三十晚諗住買煙火玩，咁啱畀佢見到個女仔踎喺街邊，於是好心問佢發生乜嘢事？原來個囡囡喺當地打工，諗住年廿八返鄉下，點知買嘅係假車飛，搞到冇得返鄉下。返到廠仲大鑊，由於員工走晒，老闆竟然拉埋宿舍大閘，唔到初七都冇人返嚟開門，加上出糧嘅錢全部寄晒返屋企，一個女仔身無分文，流落街頭，老友見佢咁可憐，於是帶佢返屋企過節，聲稱係自己嘅女朋友。
由於親戚嘅仔女都返晒嚟，於是焗住兩個人一間房，當晚飲飽食醉後，孤男寡女共處一室，自然難免慾火攻心，於是兩人大戰到天明。
第二日開始就當正女朋友，同佢呢度去嗰度去，問老友最後有冇沉船？佢話冇！但心諗有美相伴七日，使咗唔夠一千蚊，感覺認真超值！
撰文：大軍