最近，有本成人雜誌訪問咗五百幾個經常出席女優發片活動嘅粉絲，問佢哋最想女優喺發片活動時做啲乜嘢？如果換轉問你，就算明知冇得實現，相信大家都一定要啲女優現場剝光豬示人啦！但係呢個咁出位嘅答案，竟然十大不入，啲粉絲真係咁清高？
今日就同大家分享吓頭五位粉絲最想同女優做嘅事情。第五位，係同女優握手。好多粉絲都明白，要同心儀嘅女優有肌膚之親，除咗等佢收山做風俗娘之外，現階段只可以喺發片活動中同偶像握吓手，有幾秒鐘嘅親密接觸。第四位就係愛的抱抱。粉絲可以同偶像嚟個情深擁抱，感受吓偶像嘅髮香，好多粉絲都話不枉此生架。至於第三位，就希望可以兩人合照，一來可以好親熱咁黐埋一齊，感受偶像嘅體香，二來可以留低美好回憶，兼可以喺豬朋狗友面前威吓嘛！
第二位，想同偶像玩遊戲。之所以有好多粉絲想在發片活動中同女優玩遊戲，係因為遊戲中可以一次過滿足晒之前三個願望：可以摸吓手仔，有啲親密接觸，兼且可以拍照留念。但一次發片活動，只得幾個人有機會同女優玩，有時仲難中過六合彩。壓軸嘅第一位，相信大家都估唔到，就係粉絲好想同女優傾吓偈，關心一吓佢哋，問吓佢哋意見！齋傾偈冇任何身體接觸，但心靈上就得到充分嘅慰藉，所以，日本嘅碟迷並唔係一班普通嘅色鬼，而係好有深度內涵嘅色鬼。
撰文：小德