由迷盡萬千男人嘅女影星妮歌潔曼主演嘅電影《情陷紅磨坊》，相信各位荷里活迷都睇過，當中嘅連場歌舞充滿美感又性感，仲相當激情，大家亦應該記憶猶新，甚至想再煲碟回味。不過，想回味的話仲有第二個方法，就係去哈爾濱喇！
內地網友托斯卡納早前就去到哈爾濱一個主打冰天雪地嘅主題樂園，入面有一系列嘅冰上活動，仲有大型歌舞表演，而表演嘅節目就係《紅磨坊》喇！表演一開始，一班來自俄羅斯嘅舞蹈員就聞歌起舞，舞藝精湛固然令表演精彩非凡啦！不過，最值得留意就係好多女舞蹈員都打扮性感，酥胸半露加上美腿盡現，為表演添上激情！大家如果想先睹為快，就要Click上托斯卡納個Blog喇！
撰文：豪
網址：http://blog.sina.com.cn/s/blog_4ff1557f0100oh6l.html?tj=1