有時又難怪，內地嘅囡囡愈嚟愈睇唔起香港嘅玩家，經常話香港玩家縮骨又算爆！話說早排搵個相熟嘅倉仔佬飲酒，閒談間佢話啲囡囡愈嚟愈唔鍾意接港客。乜嘢係倉仔佬？即倉仔嘅燈頭是也！聽到佢咁講，我就笑道：「係咪嫌貼士少呀？無計啦！人仔愈嚟愈貴，孤寒啲都唔出奇。」點知倉仔佬擰晒頭話：「唔係嫌貼士少咁簡單呀！佢哋都知人仔愈嚟愈貴，加上好多港客都冇畀貼士嘅習慣，呢點都預咗。只係有啲港客，食完過夜餐後，第二朝埋單居然壓價。囡囡賺嘅係皮肉錢，冇理由咁都呃o架！」
原來有啲玩家唔知係有心定冇意，第二朝起身後，囡囡嗌走人時，佢就拎個銀包出嚟，話裏面周身只係得三張人仔，要多都冇咁話。須知道一般倉仔過夜，都要五舊人仔左右，扣咗出街畀燈頭嗰一舊，埋單都要畀四舊。家陣畀唔夠數，囡囡見到梗係扯火啦！倉仔佬就話：「有時啲囡囡打電話嚟同我講，問我點算好。我話上嚟最多都係得個鬧字，唔通揼佢一身咩？若然嘈到去KO度，到時大家都唔好過，最後惟有收咗佢。」搞成咁，只會令港客愈嚟愈唔受囡囡歡迎。
撰文：大軍