報道指，美國近四成學生讀完四年大學讀咗等於冇讀，教師為保飯碗仲降低要求。唔讀書，做嘢都唔好得去邊，好似脫星Nikki Hilton就話，佢入行四年，拍過無數四仔，但性愛技術毫無寸進，究竟係佢本人屎定四仔太流呢？
照常理既然讀書冇用，不如早啲投身社會工作，無謂嘥時間兼累己累人啦！而脫星Nikki Hilton就唔太認同，事關阿妹覺得不論返工定讀書都好難搞。以佢為例，入行四年未上到一線位置，半紅不黑，未至餓死，奈何想改善生活就冇佢份。Nikki Hilton解釋：「大家一定以為係我冇付出努力，所以至會載浮載沉啦！但所謂人浮於事，好多時唔到我控制及決定。四仔每日都推陳出新，外界總以為創意無限，事實上萬變不離其宗，不論片商、監製以至導演，只會按市場需要拍攝四仔，由劇情、角度、燈光及演員都千篇一律，咁作為演員又點會有進步呢？」Nikki Hilton講得好，但關鍵係你會隨波逐流定起錨改革呢？
女人真不可小覷，原來Nikki Hilton已靜靜地起革命，明知四仔主流無法改變，一年前多就喺屋企搞個人製作室，自拍心愛四仔同影迷分享！Nikki Hilton解釋：「一個小小脫星又點同大集團鬥呢？況且我仲要靠剝衫開飯，假如畀人踢走到時連發聲機會都冇埋！可幸網絡改變世界，喺官網內，我可以化身任何角色同觀眾分享性愛，原來大部分麻甩佬同我一樣，對主流四仔都好反感，奈何係無得選擇而忍受，所以我呢個網上性愛生意大有作為呀！多得網友指點，我嘅性愛技術都進步不少！」Nikki Hilton搵到出路當然值得恭喜啦，問題係你鑊鑊網上自娛，呢啲叫自摸，唔係性愛呀！
撰文：祖