喺內地夜總會唱K，房內除咗班鹹蟲同囡囡外，仲有一個幫玩家揀歌嘅DJ。喺一般情況下，呢啲DJ除咗幫客揀歌外，仲會幫手執頭執尾。不過有啲DJ就好得意，好似唔係好明自己應該做啲乜咁，而小弟就曾經遇到幾件關於DJ嘅奇事。
話說有次去唱K，正當我哋成班人，同囡囡猜枚、飲酒，玩個不亦樂乎之際，突然聽到有人唱歌。我哋成班人即刻你眼望我眼，個個都喺晒度，邊度有人唱歌呢？抬頭一望，就見到個DJ喺度扮男聲唱歌，真係估佢唔到！起初覺得好過癮，咪叫佢繼續唱囉！點知佢就真係係咁唱，我哋嗰晚玩咗四個幾鐘，佢就唱足咁耐，就算我哋埋咗單起錨返酒店時，佢仲繼續留喺房度係咁唱，果真如入無人之境！
呢件都未算奇，有勻我哋去間夜總會，飲咗幾轉唱番支飲歌，諗住叫DJ幫手揀歌，點知見到個DJ竟然瞓咗喺牆角度！我嗰刻以為佢暈咗，拿拿臨走過去睇吓發生乜嘢事，埋去至知原來佢飲醉咗之餘，仲邊剝衫邊自摷！喺嗰一刻我哋成班人都笑到碌地，而班女見個DJ大出洋相，就拿拿臨叫人抬佢走，你話係咪奇聞先？
撰文：大軍