裸體婚禮不但有創意，而且有經濟效益，好簡單，一般人辦婚事最怕係親朋戚友No show，家陣兩位主角剝光豬宴客，肯定十年冇見嘅三姑六婆都嚟觀禮，收禮金肯定收到手軟啦！更有統計指出，裸體婚禮最多後生仔女出席，理由係大家最想睇兄弟姊妹團有幾索，總希望現場攬到件走喎！
有興趣嘅不妨親自去加州取經，據講大部分嘅裸體婚禮都歡迎三唔識七嘅外來客，但當然你要準備賀禮啦！除咗裸體婚禮外，負責協辦嘅裸體婚禮公司仲有其他精選項目，例如將新娘婚紗作制服，租畀新人搞嘢，既可一嘗玩天體婚禮，事後又可着婚紗搞嘢，一生起碼豪一次，咁有諗頭就抵你發啦！
撰文：祖