記得好幾十年前，香港人好迷摔角運動，但係漸漸就冇人再睇，但係日本就好唔同，時至今日，佢哋仲一樣咁熱衷，特別係女子摔角手，唔少人更視佢哋為偶像，而且有啲發燒友更想同呢班大山婆一親香澤添！
用大山婆嚟形容呢批囡囡，一啲都唔過分，佢哋做得摔角手，體重就有番咁上下，你幾何見排骨妹上擂台，畀人撻生魚咁撻，佢哋年輕時就已經身形強悍，到咗三十歲後，自然就成為大山婆。而摔角手退休後，原來有好多轉咗去風俗店做風俗孃。
事關需求實在好大，好多日本男人要以征服佢哋為己任，但男女混合摔角，女仔咪好蝕底，於是佢哋索性做埋風俗孃，同男客人肉搏一場之後，再喺偏室做另一種肉搏。有人會問啲男人夠唔夠打，唔怕話畀大家知，啲男人一定唔夠女摔角手打。
女摔角手喺同客人較量期間，出手一啲都唔留力，乜嘢鉸剪腳、迷暈鎖等絕活，都會徇眾要求使出，啲男人可以話活受罪，但關鍵就係較量之後，客人可以喺另一個肉搏場上贏番，就憑最弱小嘅地方，搞到猶如巨山嘅摔角選手呱呱叫。
呢種滿足感真係畀多多錢都買唔到，所以呢啲女摔角手風俗店，近年大行其道，特別係一啲工作上經常畀女上司照肺嘅朋友，佢哋一放工就會走嚟宣洩情緒同精力，真係連睇心理醫生嘅錢都慳番，如果你都有呢種壓力，不妨搵佢哋嚟較量吓！
撰文：小德