過年要返鄉下嘅囡囡早已做好準備，至於唔走嘅則會繼續搏殺，但常平嘅骨場妹今年興集體「避年」！聽聞主因有兩個，首先夜場搞埋啲鬼主意吸客，肉金唔加只有做死班囡囡，其次，現今囡囡識享受，希望過年休息吓再搏殺！據幾位骨妹講，佢哋諗住去附近旅遊，若然搞到證，甚至會考慮落香港購物。其中一位囡囡話：「避年唔單只係休息，亦趁機了解吓個市道，須知道我哋做骨妹，每日對住四幅牆，好天落雨都唔知，單靠姊妹間口耳相傳，會錯過好多搵銀機會。」
囡囡言談間指出，原來不少經驗前輩除正職揼骨，仲會夾份開店，最常見係賣衫褲鞋襪、女性內衣甚或性商店都有，難怪姊妹都希望趁後生撈多份。
亦有囡囡希望趁旅遊去其他地方兼職，假如有得發展就留低。有女話：「魚唔過塘唔肥，轉換吓新環境係好事，最希望去北京或上海，聽聞仲好搵過馬交好多倍添呀！」我大軍好認同，仲希望佢哋一去冇回頭，否則又邊有咁多新女呢！
撰文：大軍