心煩人來信：我老婆近日好似對我無興趣，叫親佢做愛，佢都借故推搪，又話唔舒服又話唔想搞，我問佢係咪出面有男人，佢就嬲咗我，仲話我無啲體貼，佢話如果我再係咁樣，佢就真係會出去搵男人，我依家好煩，唔知點改，又唔知佢想點，兩夫妻做愛係例行公事，而且我係男人，梗有需要啦！做老婆點可以唔同老公做愛呢？
答：
其實你應該用心了解你老婆點解唔想做愛，係因為你太粗魯，抑或你太過老奉，雖然兩夫妻之間嘅性行為係老公同老婆嘅義務，但係做愛唔係例行公事，係要雙方投入同埋有愛存在，先可以做得滿足同快樂，如果你單純為咗滿足自己嘅性慾，而要求老婆同你做愛，當然會令對方感到不滿。做愛係要雙方都感到有需要同埋願意，先可以做得開心。所以你一定要再深入了解老婆有咩不滿，解開咗佢嘅心結，咪可以愛火重燃，如果你再唔快啲補鑊，隨時搞到老婆對你無晒興趣，到時想重燃愛火都唔係咁易。
撰文：陽起子