三五知己到酒吧，一邊飲酒，一邊吹水，仲一邊欣賞精彩球賽，真係人生一大樂事！呢啲亦係男人之間嘅事，最好就唔好帶女伴到場，因為顧得佢嚟又睇唔到場波，而且女仔通常都對球賽冇興趣，話題欠奉，自然樂趣大減。然而，一位美國男士就唔係咁諗。呢位叫做Doung Guller嘅先生早年去到澳洲，一個人落酒吧睇欖球，睇睇吓有位靚女侍應上嚟招呼，呢一刻佢就靈機一觸，諗到如果將休閒感覺、飲酒、運動同靚女四個元素融為一體，相信可以令男人為之迷醉！
當佢返到美國，就去到德克薩斯州開咗一間三點式燒烤酒吧（Bikinis sports bar and grill）喇！呢間酒吧每個女侍應都係年輕貌美，兼且身材好，佢哋一返工就會換上三點式上陣，雙峰盪吓盪吓咁為客人送上啤酒同美食。如果大家真係親身去一趟，酒量同食量肯定倍增！因為班吧妹咁索，口水都會流乾，自然要飲多幾杯，加上慾火蔓延全身，體力消耗極大，梗係要叫多幾碟招牌菜嚟補充體力啦！
撰文：小德