脫星男女入劍橋辯論淫業，三位嘉賓中之一位過氣脫星Shelley Lubben，更出言力數四仔界毫不風光，毀掉生命、家庭甚至國家，傳播性病云云。究竟脫星係咪咁霉咁賤？口講無憑，不如睇吓以下三位阿姐，佢哋有幾架勢！
由脫星仔撈到做四仔導演有幾人？或者有好多！但只用三年時間，由新人變成炙手可熱嘅脫星兼幕後導演，Stormy Daniels 可算係第一人。對於阿妹嘅事迹，洋人不會陌生，皆因佢07年二月出道後，同年於頒獎禮橫掃大小獎項，及後幾年，當事人亦瘋狂式上台攞獎，有名自然有利，阿妹私人開設桌上舞學院、個人官網以及寫真影樓，瓣瓣都撈得咁掂，再喺舊年開始，自編自導自演四仔更廣受外界歡迎。食住個勢，Stormy Daniels 進軍幕後，除每月上床拍四仔保持曝光外，更定期執導拍四仔，Wicked片廠執到呢件筍盤都算發過豬頭囉！
有人話阿妹純粹好運，咁講其實不盡不實，事關阿妹未入行前係喺演藝學院畢業，為咗喺有限生命內盡快上位，不惜加入四仔界賣肉，查實佢最清楚自己每一步路，因此雖然加入脫星界，但從未行差踏錯，冇紋身冇不良嗜好，只係做好自己本分，要求每次出鏡都保持最佳體態，連手指腳甲都要修到最靚為止。Stormy Daniels 曾經講過，令佢後悔嘅一件事就係隆胸：「我追求自然美，無奈四仔界以大取勝，為求盡快達到理想，迫於無奈要隆胸！」
出生日期：1979年3月17日
三 圍：36DD、26、36
身 高：5呎7吋
Jenna Haze呢個名，歐美男士無人不識，連亞洲嘅麻甩佬對佢印象都好深，事關阿妹不但夠索，且玩得夠淫亂，難怪紅足十年，雖然當事人喺床上無底線，但對於身材就非常堅持，多年嚟佢都未試過隆胸，事關阿妹認為四仔並非講身材，只要性技好、夠投入，就自然有人賞識。
Jenna Haze身體力行證明自己有幾掂，奈何四仔界生涯短暫，同一副架生觀眾睇得多都會悶，影迷都擔心佢會隨時引退，但阿妹似乎無意離開，更以號召力拉攏片廠開個個人系列畀佢揸旗。約莫半年前開拍Jennaration X Studios，目前為止拍罷六部作品，戲內除Jenna Haze擔正之外，所有脫星都由阿妹親自挑選，而為求作品更鮮明「突出」，多部作品內脫星都以鮮色性感內衣上陣，麻甩佬點會唔睇。
出生日期：1982年2月22日
三 圍：34B、22、34
身 高：5呎3吋
脫星同歌手都一樣要簽公司保障收入，若然唔簽只得兩個可能，一係冇人要，否則就係當事人後台夠硬，嫌簽約唔啱數阻住發達。脫星Jenna Presley正係後者，阿妹05年出道，至今拍超過440部大小性愛電影，阿妹人靚唔使講，更喺08年將C Cup咪咪僭建成DD奶，以佢5呎1吋嘅身形顯得更為逼爆。由成人電視台出身嘅佢，當年不少大片廠都想簽佢，包括Wicked、Hustler、Elegant Angel、Vivid，每間都財雄勢大，而當事人居然嫌錢腥，有傳係有幕後老細撐腰，但阿妹就表示入行第一日已清楚自己賣點，更知道前路應該點走，阿妹深明男人心理，所以佢嘅作品除咗女同片以外，九成都係P.O.V（Point of view）拍攝，即鏡頭前只見到阿妹「波哋」同男人「寶貝」，觀眾藉此幻想自己係男優，喺搞到與搞唔到之間。阿妹咁識耍手段，難怪每間廠都搶住搵佢開戲啦！
出生日期：1987年1月4日
三 圍：32DD、24、33
身 高：5呎1吋
撰文：祖