日本有好多色情玩意只招待本國人，一般遊客或者外地人難以進內，好似最近有些地下賭場，為了增加營業額，特別高薪招攬咗一批高質靚女當荷官同埋服務生，雖然佢哋只係有得睇無得食，但係性感程度令不少賭客流晒口水，就算輸咗錢都笑笑口離場。
呢批荷官有專人設計制服，全身緊身黑衣，胸前拉鏈可高可低，輸得太多嘅時候，就要拉低啲邪一邪，試過有荷官拉到去肚臍，睇到客人眼甘甘，自己買咗乜都唔係幾記得。所以去得玩嘅客人真係要有足夠定力先好，如果唔係輸身家都似，其實賭場就係想咁樣，客人入嚟賭錢，除咗贏錢開心之餘，就算輸錢都一樣開心，佢哋先會返轉頭，愈賭愈深，難以自拔。所以自從呢批荷官出現之後，賭場嘅生意額真係升咗三成，就算畀多啲錢請佢哋都抵喇！
雖然呢批荷官全部都唔係青春玉女，大部分都已經廿到尾，有啲仲係有經驗嘅荷官，不過全部肯性感到盡，甚至畀客人抽吓水都唔介意，鬼叫薪高糧準咩！
地下賭場始終有風險，一旦玩得太過高調，好容易引起當地警方嘅注視，所以佢哋只係喺周末先有性感女荷官出現，而且仲係不定期出現，搞到啲客人鬼咁吊癮，萬一去到先發現無嘢瞄，條氣一定唔順，下次一定要再去。所以呢個策略十分成功，捉到男人嘅心理，愈難睇到愈想睇，而且入到去無理由唔賭番兩手，賭場無論如何都係大贏家。不過荷官有時都會投訴有客人太過分，手多不特止，仲要摷到底，所以遇到咁貪心嘅客人，賭場一定會勸阻，費事玩出事就麻煩喇！
撰文：荒木