庭上播「老竇豬豬」證親密關係好醜？未算，似美國更離譜嘅事都有，好似脫星Shyla Jennings，入行嘅處女作品喺屋企大廳出現，事後更同父母一齊「欣賞」自己演出，咁羞家嘅事，相信你發夢都未想過！
換轉當事人係你，望見個親生女拍四仔，感覺又會係點？以華人保守思想，通常會視為大逆不道，但喺Shyla Jennings嘅家庭，兩老竟然對阿妹評頭品足，真係估佢唔到囉！
Shyla Jennings話記得入行初時瞞住兩老偷拍四仔，一心以為年過半百嘅老竇豬對性愛已不感興趣，殊不知大作推出當晚，就發現屋企出現自己嘅作品，阿妹當然唔敢出聲，而一家人晚飯過後，老竇豬更公然播放Shyla Jennings部四仔作品，直到阿妹床戲開始時，兩老未見有任何激動，只係對戲內嘅男女演員評頭品足，搞到佢都唔知畀乜嘢反應好！Shyla Jennings話：「當時我呆咗，以為老竇必會趕我出門口，阿媽會同我脫離關係，相反，佢哋一句都冇鬧過我，當然亦冇讚我，睇完佢哋就返入房搞嘢！」
經過多番考慮，Shyla Jennings決定繼續留喺四仔界發展，皆因覺得已行出第一步，就應該做好呢份工，而兩老往後亦繼續公然「欣賞」親生女作品，依然冇任何反應，直到阿妹開拍第一部雜交片後，老竇終於忍唔住出聲。Shyla Jennings話：「真係嚇死我，老竇夠膽死對我講：『嗰啲男人性能力咁曳都做到男優，想當年我就犀利得多囉！』」原來佢老竇後生都曾當四仔男優，及後有咗Shyla Jennings後至轉行，阿妹開始明白，脫星只係人生一個過程，最重要見好要識收，所以拍四仔同時已為將來打算，上年已開設性商店，用自己做生招牌，雖然話家人唔反對，但最令人難以接受嘅係，自此每次有新作品推出，都會買一套回家同父母欣賞，兩老仲畀咗啲意見，變成佢嘅軍師。阿妹，究竟你知唔知醜字點寫o架？
出生日期：1985年6月16日
三圍：34C-24-34
身高：5呎2吋
撰文：祖