麻甩佬去健身室，除為咗操得健康啲同大隻啲外，無非為咗𥄫吓啲身穿緊身健身衫、身材玲瓏浮凸嘅索女啫！望住呢啲有前有後嘅索女喺度玩跑步機、踩健身單車固然養眼，但係如果可以一親佢哋香澤嘅話，咁就更加好。唔好以為呢啲只係性幻想，事關河南鄭州就有健身會所，裏面班索女個個剝晒光豬嚟健身，色誘班壯男埋身打真軍！
呢間位於鄭州嘅健身會所，地方雖然都幾偏僻，奇就奇在有唔少男士，專程嚟呢度健身。喺香港咁細嘅地方，附近總會有間健身中心，雖然咁就腳，但唔係個個都咁神心，會日日去健身，點解呢間咁偏僻嘅健身會所，反而吸引咁多男士日日去操練呢？能夠令一班男士咁有毅力，梗係唔係為咗健身咁簡單啦！原來呢間會所裏面，有班索女陪男士練習，唔使一個人傻更更咁，望住四道牆，或者對部電視係咁跑，令男士操得更開心之餘，班索女更係剝晒光豬陪操練。
有個個樣索到爆燈，身材更係前凸後屹嘅靚女陪練，就算間會所，從市中心揸車去都要成半個鐘，仍然令唔少男士相當雀躍。故此，據講呢間會所雖然開張咗唔夠半年，但係會員人數已經過千人，真係唔講得笑！
據去過呢間會所做「尖」嘅玩家表示，呢間會所嘅規模相當大，入到去有成三層樓，而設施之完善，同大型嘅健身中心差唔多。樓下第一層，用嚟招呼一般健身愛好者，而第二同第三層則招呼男會員。心水清嘅玩家都知道，咁嘅安排自然有其原因啦！呢位玩家就話，去到二樓就有專人招呼玩家去更衣室。玩家沖完涼、焗埋個桑拿後，入到健身室就發覺，好似去咗皇帝嘅後宮咁，成班冇着衫嘅囡囡，排排坐喺度等玩家挑選。
睇到兼摸到周身㷫合合，呢個時候最好就係搵個地方，同「教練」曳曳至算過癮！玩家唔使擔心，又要舟車勞頓，先至可以帶囡囡出街曳曳。為咗方便玩家可以及時行樂，呢個場仲有一個勁貼心嘅安排，就係喺三樓劃分咗三十幾間暗房。房內相當豪華，不但有雙人大床，仲有具蒸浴功能嘅浴室可以玩。玩家同「教練」入到暗房後，梗係拿拿臨同靚女開波啦！據呢位玩家講，由於呢啲「教練」平時操開關係，故此佢哋玩起高難度花式，零舍游刃有餘，好似拱橋、一字馬，甚至係倒立都難佢哋唔倒，而佢就同囡囡玩咗一輪高難度花式後，就打咗個長長嘅冷震。
雖然呢間健身會所咁過癮，但係因為係行會員制關係，未入會就冇得玩。咁會費要幾多呢？原來幾貴o架！一年嘅會費就要成兩萬人仔！雖然係咁，但係玩法咁特別，囡囡又高質，仍然有唔少玩家捧場，真係唔到你唔服！
撰文：阿豪