英國貿易局嚴打名人網上廣告，認為有違公平貿易，要求當事人標明「廣告」或「贊助」，否則面臨無上限罰款起訴。嘩！美國脫星收到料後震過震蛋，生怕法例會傳到當地，事關不少脫星都有官網或網誌，經常會拎住各式各樣性玩具自娛表演，照咁講隨時樂極生悲囉！
洋人經常強調公平貿易，就好似英美呢兩個沙煲兄弟都有前科，因此呢條法例話唔定連美國都照跟o架！而美國脫星一收到料就餚晒底，理由係佢哋設有官網，全球收o靚，賣嘅不只係身材，更會使用由性玩具商贊助嘅情趣用品，隨時因此觸犯法例！就好似出名愛網上自娛嘅脫星Gabriella Fox，阿妹不僅受男影迷歡迎，更深受時代女性力撐，皆因佢對現今性玩具界瞭如指掌，玩過嘅性玩具更會寫成報告同姊妹分享，用過嘅就畀網友拍賣，一雞兩味多年，好搵過拍四仔o架！Gabriella Fox解釋：「每日我都收到過百件免費性玩具，全由世界各地生產商贊助，表面上佢哋係送畀我，實情係想我試玩而達到宣傳之效。」雖然阿妹堅稱每件介紹過嘅性玩具都經過臨床測試，絕不徇私，但年中無休咁摸法，小心High爆喎！
現階段Gabriella Fox表明絕不擔心會被起訴，理由係脫星玩性玩具係劇情需要，合情合理，但同時都會向律師徵詢法律意見。佢更認為做藝人愈嚟愈難撈，國家保護法不但冇保障佢哋，反阻住佢哋搵食，激發阿妹創業，阿妹解釋：「就以性玩具為例，絕冇諗過有機會犯法，既然如此，我決定今年會推出個人性玩具產品，攞正牌介紹自己情趣用品，到時一定唔怕被打壓！」阿妹男女粉絲一樣多，出埋自家性玩具仲得了嘅？
出生日期：1989年2月24日
三 圍：32D-23-32
身 高：5呎1吋
撰文：祖