講起返鄉下過年，最近同幾個深圳嘅技師傾起，以前佢哋出嚟打工，過年時候未必會返鄉下，因為屋企冇壓力話一定要佢返去，但今年佢哋啲父母已經一直又電話又短訊，嚷着要佢哋早啲返去，問佢哋點解會咁緊張？囡囡話一來當然係做父母掛念子女，希望過年時一家團聚。
但據我深入打探，原來最重要係今年內地百物騰貴，無論乜嘢都加價，生活艱苦，父母都想出外打工嘅子女，知道吓米貴，了解吓家鄉嘅情況，於是不約而同，希望佢哋過年時可以回去看看。一來囡囡回去可以多帶一點錢，等佢哋可以多買一些東西準備過年，同時，等佢哋了解實際情況，下年更努力賺錢，每個月多寄一點錢回去補助家計。雖然講到尾都係為咗錢，但囡囡都明白父母心意，欣然接受！
撰文：大軍