以為內地桑拿班Locker仔冇個誠實，點知早幾日喺深圳一間大型邪骨場，卻令我有所改觀。話說我老友大炳洩完慾後，就走去打邊爐，飯都食埋佢至記得漏咗部手機喺骨場度。見慣呢種事嘅朋友，就叫佢打定輸數。事關佢部手機出名多人用，聞說轉手仲可賺幾叉嘢添！咁貴嘅手機，仲點會有剩吖？點知佢返到去桑拿，就見到個熟口熟面嘅Locker仔，拎住部手機企喺門口度。佢一見到大炳，就即刻拎住部手機跑過嚟。仲同佢講：「×先生！我等咗你好耐喇！」呢一刻老友感動到暈呢！諗住醒番幾百蚊當貼士，點知佢耍手擰頭話唔使，然後就走咗去，呢啲誠實嘅服務態度，抵讚！
撰文：大軍