內地有錢人捨得消費，邪K搵到食，正K亦愈開愈多。有夜場女為咗搵食，不惜加入正K場做女侍應，表面上服務人客，實際上係背住公司拉客，私下同人客提供服務，賺取外快。
安仔每逢周末都會相約朋友北上，以往通常到福田一帶玩樂，但自嚴打過後，又再返「主場」常平，貪其女多消費平。最近安仔去該區一間大型正K場玩，期間遇上一位後生女侍應，對方服務態度超好，就算畀人客撩都禮貌回應，於是大家傾談一陣後，女方竟然主動留低聯絡電話，令安仔十分驚訝。「記得嗰晚我哋一行五人，拖男帶女去唱K，而我就諗住唱K後再去揼骨，點知竟然有艷遇，幾大都食住上啦！」安仔以為飛來艷福，於是整晚都不停落柯打，要求該女侍應出出入入服侍。
玩到夜深，安仔都覺得女侍應對佢有好感，但礙於工作關係，無法要求對方入房玩，於是就丟低朋友，出房外同女侍應吹水，佢話大家愈傾愈有Feel，但話咁快囡囡就露出原形。「我話等佢收工，條女好淫咁反問我收工做乜？我見佢咁姣，咪話做成年人嘅嘢囉，估唔到佢就即刻話要收錢，以佢嘅質素，其實收錢都好合理，最弊係我嘅慾火經已挑起晒，要我等勢係假，最離譜係佢提出去男廁搞，結果我哋就入咗男廁解決。」
十五分鐘嘅快感，換嚟四百大元代價，安仔認為值得，返房繼續耍樂後，就發現女侍應已轉去其他房服務，安仔臨走前再致電對方，要求返酒店再搞過。女侍應一口答應，跟住安仔就喺K場附近等對方收工。
安仔形容女侍應收工後變身潮妹，雖然都叫熟落，但講到肉金囡囡點都冇得平。原來囡囡一般放工後會去附近D場繼續「搵食」，過夜開價由五百至七百元不等，又原來女侍應並非孤軍作戰，身邊有不少同鄉姊妹四散於不同夜場工作，先前嘅K場亦有幾位主動挑逗人客，放工後再到D場集合，一半為獵仔，一半為娛樂。囡囡對安仔話：「呢個年代得一份工點生存呀，正職為生活開支、兼職為娛樂消費，成班姊妹一齊自然有仔充當老細埋單。」照阿妹咁講，返工食阿公，放工食人客，加上幾位姊妹合租房間，基本上無消費可言，計計數仲好搵過夜場女。
撰文：祖