有十五年歷史嘅日本AV公司SOD，最近喺官方網站透露，喺咁多年嚟佢哋總共搵咗一萬名女優演出過，數字十分驚人，平均每一個月就有五十五位日本女性，為佢哋獻出身體，而為咗隆重其事，佢哋更推出10,000人紀念作品！
有人會問，乜真係有成一萬個咁多女優咩？大家熟悉嘅AV女優，一般都係「專屬女優」，即係同AV公司簽咗合約，只拍佢哋嘅作品，而公司就負責對外宣傳，但其實AV碟中仲有好多囡囡係非專屬女優、偽素人、素人以及真正素人等，例如有好多大堆頭嘅AV片，裏面隨時有過百囡囡全裸示人，佢哋唔係全部都係星級女優，其他合演嘅咪係所謂素人囉！
無論呢一萬人係咪星級女優，都標誌住SOD呢十五年嚟嘅努力同成就，而為咗隆重其事，佢哋會出一張總長1,500分鐘嘅紀念作品，當中仲分咗七個主題，包括巨乳系、戀體系、角色系、個性系、五官系、美女系同埋3D系，而且仲會將當家花旦愛田櫻同原紗央莉嘅絕密拍攝現場花絮一同曝光，連啱啱引退嘅一姐板垣梓都唔放過，話會送佢嘅體毛明信片。係真唔係，有冇咁多呀？聽落已經十分吸引，但更吸引嘅就係價錢只需2,980日圓，即係大約270蚊港紙，同買普通AV碟價錢一樣，認真抵買！
撰文：小德