魔術表演好精彩，若然表演再加埋囡囡裸體，保證睇到閣下眼都唔眨！咁識搵食嘅裸體魔術師就發生喺美國拉斯維加斯一間賭場貴賓廳內。賭場為咗吸引一眾富貴賭客，於是就諗出用魔術表演，希望留住人客同時亦可令輸家嘅心情放鬆，繼續埋枱搏殺。之但係日日如是，邊有咁多魔術呢？有人就決定利用魔術師嘅女助手，玩裸體魔術，觀眾掛住睇裸女，仲邊得閒理魔術係咪精彩呢？
有欣賞過表演嘅賭客就話啲魔術好簡單，但落喺一件身材火辣嘅裸女身上，即時變得引人入性，不但助手係裸女，甚至連女魔術師都會全裸表演，至於表演高潮莫過於魔術師拉人客上台齊齊玩，若然你自願，魔術師可以將你變走。依？假如喺賭枱輸到褲甩，畀人變走又幾好噃！
裸體魔術一出即大受歡迎，人人都爭住睇表演，可惜先前都講過只係招待富貴賭客，冇番一兩百萬上落，都唔使旨意入到門口囉，唔知馬交幾時有呢項表演呢？
撰文：祖