近年女性玩家愈嚟愈多，唔只大搞淫亂派對，甚至一啲有益身心嘅地方，都畀佢哋搞到亂晒大龍，因為有唔少喜歡肌肉型猛男嘅女士，最喜歡嚟健身中心覓食，於是一眾壯男，不停畀人抽水，真係好鬼危險！
喺美國加州嘅一間健身中心就貼出「謝絕抽水」或「嚴禁性騷擾教練」嘅通告，可想事情去到幾咁嚴重。最近有個28歲嘅健身教練迪斯喺網上爆料，話自己做健身教練三年，慘過做男妓，於是決定劈炮唔撈，仲將當中嘅辛酸同黑幕揭露出嚟。
迪斯話：「我哋做健身教練嘅底薪好低，於是惟有四處搵中心嘅會員嚟做自己嘅學生，只要佢哋肯跟我學，就可以多賺一筆學費，所以學生就成為我哋嘅上帝，但同時亦係我哋嘅魔鬼。」由於現今嘅女性追求健美，於是玩健身嘅亦大多數係女性。
本來日日有美女相伴，係一件人人都好羡慕嘅事，但迪斯話：「女生比較容易說服跟我學健身，但亦好容易離開，只要少少逆佢哋意，佢哋就會大吵大鬧，甚至轉會，為免影響埋老闆，所以好多時都要逆來順受，聽晒啲客嘅說話。」
佢哋會有乜嘢古怪嘅要求呢？迪斯話：「最常見就係抽水，全身都摸，有啲狼嘅師奶，連何B仔都唔放過，但都係小問題，最大件事就係要你去佢屋企私人教授，本來賺多啲錢係好事，但十個有九個都係想強暴你，剩低一個就係要你跳脫衣舞畀佢睇。」
咁可唔可以拒絕呢？迪斯話：「當然唔可以，於是差唔多日日都失身，有啲仲離譜，去佢屋企都等唔切，就咁衝入男更衣室就要我幹，真係比做舞男仲要慘，而且做舞男每次都有千零二千蚊收入，但我只得五六百，早知係咁，索性做舞男好過。」
真係聞者傷心，聽者流淚，但原來仲有惡啃嘅事。迪斯話：「有時遇上靚女都有啲反應，但遇上啲豬扒或者恐龍，真係食都食唔落，但佢哋就會話你唔掂，慫恿其他囡囡都走埋，於是惟有豬扒都照上。」真係悲哀，咁都仲頂到三年，真係服咗你囉！
撰文：小德