小弟成日都研究三仔同四仔，講出嚟大家一定會話我個人太鹹濕，不過老實講，我作出呢項長時間嘅研究工作，除咗為自己帶來刺激之外，其實亦係藉此探究不同問題，例如男優嘅持久力點解咁勁啦？又或者係點解日本AV女優，有咁多以榨乾男人為樂嘅癡女出現呢！漸漸，連我自己都覺得好似一位性學學者一樣。如果大家亦想將性研究得更深入更科學化，咁就不妨參觀一下德國柏林嘅香氣博物館（Berlin Aroma Museum）喇！
呢間博物館裏面充滿性學知識，包括女性嘅G點構造圖、各式各樣展現不同體位嘅公仔等等，另外亦有展現出各種體位消耗能量嘅數據，好似一招稱之為「意大利吊燈」嘅體位，每小時就消耗920個卡路里。當然，實際運作時間一定冇成粒鐘咁耐，大家如果想搵出卡路里消耗咗幾多，就麻煩你計番個比例啦！另外，博物館仲有好多好玩玩意，例如有一個趷高屁股嘅公仔可以任人打屁股，打完之後就會計一計你用得啱唔啱力水，費事你下次同愛人玩類似玩意嘅時候打親對方！咁多實用又科學化嘅資訊，參觀完之後一定成為性學達人呀！
撰文：豪