中國茶喺海外市場好大，一直深受飲家歡迎，而中式嘅茶館，更係喺世界各地都有，而最近喺美國加州，更有人將佢變為色情玩意，嚟歎茶之餘，仲有個性感侍應替客人泡茶同聊天，當情到濃時，仲可以同囡囡去闢室談心添！
網上資料顯示，呢間茶館嘅創辦人，原來係一位南美嘅新移民，茶館裏面一個中國人都冇，但老闆明白近年興吹中國風，於是投資搞咗呢間小茶館，裏面裝修都幾有特色，可供客人飲茶聊天，假如唔理啲侍應，可以話係一間十分好環境嘅茶館。
但係大家只要留意吓啲女侍應，就知道呢間茶館一定係掛羊頭賣狗肉，因為囡囡個個都係巨乳靚女，身材出眾，身上着上超短旗袍，一彎身就成條丁字底褲示人，客人周不時可以欣賞到又圓又大嘅八月十五，自然開心到震。據講茶館嘅生意好到不得了，老闆仲打算喺隔籬街開多間分店添！有人會問，咁嘅小茶館，點解會咁好生意呢？據網友指出，原來客人只要願意，就可以叫侍應坐低，陪佢聊天。
坐低聊天，係唔收枱鐘嘅，但囡囡會叫壺茶嚟飲，等同酒吧嘅囡囡，會叫杯小姐特飲一樣，至於客人普通消費，叫一大壺中國名茶，大約廿蚊美金，足可以三四個人一齊飲，但囡囡嘅茶，一人分量，就要三十蚊美金，如果客人問點解會咁貴，佢哋就會話係極品茶葉加藥材浸泡，所以特別昂貴。咁叫咗囡囡坐低之後，可唔可以抽水呢？由於現場燈光火着，所以一定唔可以太過分，但係囡囡就會出口術嚟引你。
當氹到你鬆毛鬆翼，囡囡就要求客人買外賣，再由佢親自送貨。送去邊？當然係茶館附近嘅時鐘酒店，客人就可以同囡囡成其好事，外賣價據講要成八十美金，另加小費，就差唔多要百五至二百，抵唔抵玩就真係見仁見智嘞！
撰文：小德