脫星冇咪咪可以隆胸解決，不過裝幾大至夠就真係冇一定標準。好似脫星Victoria Rose咁，天生細細粒，前面冇睇頭，若然裝假狗可能仲礙眼，於是阿妹把心一橫，決定乜都唔整，竟然又撈得掂噃！
喺四仔界搵食，梗係要有前有後，但出奇地Victoria Rose竟然出到位，成為近期十大人氣脫星之一，究其原因，網民認為佢臀部近乎完美，睇見就興奮喇！完美？計我話Victoria Rose個靚籮除咗骨肉勻稱，冇疤冇瘡，未至於講到咁無敵啩？Victoria Rose話：「單睇我個籮當然冇乜特別啦，但配合全身去睇，你就知道好料！我三圍33-22-33，皮光肉滑，配合一對修長美腿，喺四仔界甚少有我天然身材，因此四仔迷每次見我都咁興奮！另一方面，由於我了解男人性幻想，因此每次都會擺出不同性感甫士滿足大家！」哦，講到底都係靠甫士搭夠。
Victoria Rose成為四仔迷心目中嘅靚籮脫星已經係事實，本來值得開心，但阿妹就話好大壓力，事關時刻都要保住個靚籮，假如有意外發生，隨時連飯都冇得開o架！佢話：「早前有考慮為靚籮買重保險，但保費太貴，以我現時嘅收入，根本難以負擔，惟有靠自己小心啲，平日我甚少坐喺度，就算坐都要加個墊，免得揩花臀部，每星期又要去做臀部按摩，保持彈性同光澤，真係少啲心血都唔掂呀！」食得鹹魚抵得渴，阿妹你取之靚籮，當然要用之靚籮，咁都好合情理啫！「話雖如此，但四仔係群體工作，不少外在因素會破壞靚籮，例如男優粗暴拍打，或者喺野戰過程受傷，呢啲都控制唔到架！」
出生日期：1984年4月19日
三圍：33、22、33
身高：5呎3吋
撰文：祖