鋼管舞漸漸由舞台走到坊間，更加被認為係良好修身運動，好多婦女都走去學鋼管舞，令鋼管舞風行一時！因此，亦令唔少地方搵舞孃跳鋼管舞娛樂大家。不過，鋼管舞要跳得叻真係唔容易，首先要舞孃身材夠Fit！全身都充滿活力，咁先可以跳得夠勁夠誘惑！呢一方面，唔少內地舞孃就做到足喇，唔怪得能夠惹來狂蜂浪蝶！
較早前，深圳舉行第十二屆中國國際高新技術成果交易會，去到閉幕嘅一日，大會就安排咗一個鋼管舞表演，舞孃舞姿誘人，令現場氣氛熱烈到震！不過，就係因為舞孃跳得太好，所以惹來一名現場觀眾走上台意欲合照，見舞孃唔多理佢，居然仲自己同支鋼管跳舞，搞到現場嘅保安要急急腳追上去將佢捉住，場面相當搞笑！而呢段小插曲就被內地網友天馬師兄拍低晒，大家想睇就要Click去師兄佢個Blog喇！
撰文：賢
網址：http://yfdtk2001.blog.sohu.com/163062739.html