小弟較早前同班朋友租遊艇出海玩，同艇主交談期間，發覺一隻普通遊艇需要十幾二十萬左右。我哋諗諗吓，家陣買樓咁貴，就算畀得起首期都供唔起，不如用筆首期買隻艇自住，四海為家仲好！不過，諗諗吓都係放棄，因為見到海上出現好多豪華遊艇，上面仲有好多索到震嘅比堅尼女郎！所以，一於下決心，儲錢買豪華遊艇，到時咪吸引到班索女上嚟一齊玩囉！
大家係咪都有同感呢？咁就一齊努力，為夢想奮鬥啦！然而，如果大家覺得動力唔夠，咁就要睇吓內地網友朝花夕拾嘅Blog喇！朝花夕拾師兄除咗係一位工程師，仲係攝影師。最近又請到一班美女模特兒外出拍照，仲以豪華遊艇取景，當日，天氣晴朗，遊艇華麗，女模特兒又夠性感，唔使多講都知相片有幾正！睇完之後，仲可以激發大家嘅鬥志添！
網址 http://blog.qq.com/qzone/195125592/1291192740.htm
撰文：賢