以前去剪頭髮，可以話係一種享受，除咗個師傅細心又好傾之外，仲有大量漫畫書供應，有時真係剪完頭髮都唔捨得走，家陣嘅髮型屋服務就差少少喇！好似工廠咁公式化，冇晒感情，剪完畀錢就即刻鬆人。不過，如果去到波蘭呢間理髮店，大家又會好似以前一樣唔捨得走，而且情慾神經得以運行暢旺添！
位於波蘭斯武普斯克市（Slupsk）嘅一間理髮店，專門為男士服務，最大賣點就係幫客人剪髮洗頭嘅理髮師，清一色都係女人！女性理髮師又好特別咩？唔特別，不過佢哋個個都以比堅尼上陣，最惹人注目喇！
理髮師換上火辣比堅尼嘅目的，除咗吸引客人幫襯，增加營業額之餘，仲因為以前嘅客人好多都會於剪髮時候瞓着，事後又投訴剪得唔合心水，但自從比堅尼理髮師提供服務之後，班男人個個都精神奕奕，細心睇住成個剪髮過程，對於理髮師嘅手勢仲讚不絕口添！
撰文：祖