最近內地有法律界人士建議，如果囡囡替客人手淫或者口交，應該降低刑罰，唔使學依家咁樣，又要罰款兼要刑事拘留，更建議初犯者只需罰款五百蚊就可以了事。雖然法例仲未通過，但據知福州嘅髮廊就已經紛紛響應，推出一系列相關嘅服務。
以前嘅髮廊進行呢啲服務，大多數都係低調進行，客人要入去詢問至知有啲乜嘢玩，但家陣竟喺門口寫得清清楚楚，客人睇啱服務，至入去幫襯。當然，佢哋唔會寫得好露骨，但係聰明嘅客人，一望就會知道呢間店可以玩啲乜嘢，例如大家常見嘅油泡禾花雀、冰火速遞、饅頭熱狗、釜底抽薪等，大家一望就估到佢哋嘅意思。家陣呢啲服務貼晒喺店嘅當眼位置，如果入夜，更有用易拉架放喺街上以作招徠。
當地嘅髮廊老闆咁大膽，唔通呢條法例喺某啲省巿已經通過咗？其實又唔係，據知情人士透露，因為自修改法例嘅消息傳開後，民間及網上都冇乜聽到反對嘅聲音，於是大家都估計呢條法例可能會好快就通過，於是紛紛偷步，率先大改革。
有口痕友問，條例就算通過，呢啲行為都係違法，只不過懲罰減輕啫，有乜嘢咁高興？據近業界嘅朋友透露，如果可以罰款了事，咁就好辦了！因為真係咁唔好彩畀人拉到，罰款就可解決，唔似家陣要拘留，輕則三日，重則十五日，若然用罰款制，好多時交咗罰款就搞掂，唔使踎幾日影響返工，真係較方便。
而喺福州嘅色情髮廊，佢哋早就已經係掛羊頭賣狗肉，表面提供按摩，但實際就提供色情玩意，但係一直都唔敢太公開，家陣大事宣傳，無非係想飲頭啖湯，而且將玩法制度化，好讓其他髮廊跟風，咁有生意頭腦，真係唔佩服佢哋都唔得！
如果客人想同髮廊妹大戰，新例又有冇影響呢？據知情人士透露，如果條例生效後，只要客人同囡囡唔係兩條肉蟲咁被捉，都仲有彎轉，例如客人全裸，囡囡只着短裙，裏面真空都好，都可以解釋正在出火當中，罰款了事，當然仲要睇睇間場嘅背景，如果夠硬就有情講，萬一冇力，就算着晒衫都可入到你罪，所以認真要小心。
撰文：小德