如果係北行熟客，大家都可能知道家陣夜場愈嚟愈多人改飲紅酒，以十間貴賓房嚟計，飲威士忌嘅有兩間，咁飲啤酒嘅就有三間，剩低五間就都係飲紅酒，所以情況都幾熾熱吓，而咁多客人改飲紅酒，原因有好多，但最主要就係囡囡接受。
囡囡話佢哋晚晚都要飲酒，最辛苦就係飲啤酒，飲多咗嘔又辛苦，就算唔嘔，第二朝就會周身唔舒服，搞到有啲囡囡要返一日，抖一日。改飲威士忌雖然冇咁辛苦，但好易到頂，經常畀客人灌醉，之後做乜都唔知，反而飲紅酒就啱啱好，加上配埋汽水或綠茶嚟飲，飲幾支都冇事，飲得多都冇咁辛苦，所以夜場囡囡十分推介，而且喺夜場叫一Set紅酒，大約三百幾蚊，同叫半打啤酒差唔多，但客人叫起紅酒嚟，比較威啲。其實醉翁之意不在酒，都係留力下半場搏命好過啦！
撰文：大軍