大掃蕩繼續進行，入夜後囡囡明顯少咗好多，我大軍早前去幾間相熟夜場睇過，老闆話有得開門已經不錯，更話現時掃蕩程序，十足骨場內嘅ABC牌一樣分等級。骨場經理解釋：「亞運未開之前已展開全市大掃蕩，甚至遠至羅湖幾間大型夜總會、俱樂部都要關門大吉，據講老闆同執法部門要寫檢討書，承認自己犯錯。」
不過最好笑嘅係，骨場經理收到風，執法部門已開始將夜場分為ABC三級制。A級每個月安檢一次、B級場每個月檢查三次、C級場每個月起碼檢查五次，至於夜場級數則由執法部門決定。照咁講，被劃定為C級嘅夜場，每個禮拜Check一次，即係唔使做生意啦！究竟係相關部門有企圖，抑或真心想洗太平地呢？
撰文：大軍