骨場幾豪華都有，但大部分師兄都認為餐飲方面都好求其，同夜遊界指標嘅馬交骨場相比，距離仲相差好遠。據骨友表示，馬交嗰邊不論骨場或夜總會，都好注重餐飲，就算只係煮一碗餐蛋麵，餐肉邊都要煎得香脆，蛋係太陽蛋，湯更會蓋過餸。而例湯更係落足料，好飲過阿媽靚湯咁話！
難怪骨友每次去馬交玩，都唔會喺外面食飯，一定到骨場進食，聽聞有啲場仲誇張到有蒸海鮮、鮑魚炒麵，還有各種撚手小菜，更正過酒樓多多聲。反觀內地骨場，向客人提供嘅食物雖然好多，亦盡量跟足香港人口味，可惜隨住人仔匯價高升，肯額外畀錢食嘢嘅人客已買少見少，想畀錢食好嘢就更難，尤其是骨場所謂嘅補湯，又鹹又稀，完全唔掂，比酒樓例湯仲要差。
大軍同骨場老闆傾過，既然裝修咁落本，點解唔揼錢做好廚房吸引人客？老闆話：「呢層我當然明白啦，但須知道骨場通常玩股東制，不少人只集中做好盤數，只肯將啲錢放喺硬件上，冇人相信嫖友會想入嚟食嘢，所以唔會投資搞好廚房，情願幫你叫外賣好過！」難怪廚房稍為好少少嘅，都可以令人客食過翻尋味啦！
撰文：大軍