每逢有運動盛事，我班朋友梗會議論紛紛，不過佢哋講嘅唔係比賽有幾精彩，而係研究一班女運動員嘅運動裝幾咁緊身，幾咁充滿走光危機！至於正在火熱進行中嘅廣州亞運，當中嘅女運動員亦難逃佢哋嘅「魔口」，一如以往進行大事討論！然而，除咗女運動員之外，佢哋仲講埋一眾經過千挑萬選，美貌、身材與儀態並重嘅禮儀小姐。每次有獎牌頒發，禮儀小姐都會出動，佢哋嘅美貌固然吸引，但係套衫一樣惹人遐想！其實，亞運未開幕之前，一班禮儀小姐都講過，啲制服太薄兼太緊身，搞到玲瓏浮凸嘅身材現形。雖然佢哋有投訴，但係有關單位一於當收唔到，叫班禮儀小姐照着！而內地網友煙雨飄零就收集咗一系列禮儀小姐現場實拍，再放上自己個Blog，大家又品評一下，套衫係咪真係緊身到過火位啦！