曾聽見一位四十多歲嘅朋友話，跟女伴做愛時玩車仔式，直到完事之後，竟然雙膝痠痛到企唔到起身，之後數日嘅情況都一樣，就連起床都有困難，以為係年紀大咗，筋骨衰退所致。
其實，呢個狀態未必係年紀嘅問題，有時腎氣不足亦會早衰，因為中國傳統嘅講法，認為腎主筋骨，腎衰則筋骨不榮，容易出事。就朋友嘅情況嚟講，如果骨骼無損傷，就有可能係筋骨受傷，甚至有可能係瘀血聚阻，以致無法上力。一般解決方法係要舒筋活絡，提防「化熱」而成長期疾患，患者應立即求醫為佳。
撰文：阿德