好似我個老友咁，佢聽到食羊肉可以提升性能力，於是每次曳曳之前，都會大擦一餐，有時中途休息時，仲會趁住空檔走去大牌檔整番個羊腩煲，希望可以上到床時表現更好。有次佢又係咁做，點知返到房時，囡囡就喊晒口話要走。老友嗰一刻慾火焚身，驚聞囡囡嗌走，塊面梗係黑過玄壇，質問佢係咪玩嘢。原來囡囡對羊肉嘅羶味極為敏感，每次聞到都會忍唔住嘔吐大作同頭暈，故此聞到老友身上嘅羊肉味時，就勁頂唔順！老友起初以為囡囡搵藉口，一於少理要即刻開波。點知囡囡真係頂唔順，嘩啦嘩啦咁趴喺洗手盆度嘔，搞到老友乜嘢心情都冇晒，惟有放佢走。經過呢件事後，老友話以後只會搵北方佳麗，起碼佢哋聞慣羊肉味喎！
撰文：大軍