北京樓價炒到飛天，夜生活又開始夜夜笙歌，但大軍早前去睇過，感覺係冇以前咁放，夜場普遍做得好低調，更有一個怪現象，就係夜場小姐都着晒制服。之前北京嘅中細型場坐枱小姐，大部分係着便服，例牌貼身V領短裙，制服甚少出場。
於是問媽咪，點解要着制服又唔係性感，比門口嘅知客仲要保守。媽咪話：「小姐着制服嘅原因係怕咗公安突擊檢查，加上囡囡着嘅便服更係有咁性感得咁性感，容易被客人抽水，萬一被公安衝入場就大件事。」
咁即係話公司安排嘅制服，無非想人客守規矩，連手都伸唔到入去，但客戶投訴就多咗，連媽咪都嗌冇計！另外一個發現係每間K房燈光都比以前光，而小姐坐枱時斯文好多，唔識架步嘅仲以為全場都係「金魚」添！比起當年啲女主動搞你，呢支歌仔已冇得唱，難怪媽咪都話：「呢啲正係虛偽一面囉！」
撰文：大軍