講述日本六本木夜總會嘅電視劇，近年開拍完一部又一部，而最有名嘅《孃王》系列更開拍到第三輯，除咗歸功人氣水着天后原幹惠之外，劇中不乏大膽裸露演出嘅AV女優，亦係原因之一，好似最新一輯，明日花綺羅都有份做呀！
撰文：小德
《孃王》呢個系列嘅電視劇，由05年開始拍第一部，當年嘅主角係北川弦美，拍完之後未見爆紅，但由於有吉澤明步同埋倉井空演出，成為一時佳話。到咗09年，電視再拍第二輯，命名為《孃王Virgin》，女主角就起用人氣巨乳水着女星原幹惠，而做佢嘅拍檔就搵嚟當年最紅嘅AV女優原紗央莉，搭巨乳天后麻美由真，咁強嘅組合一出，當然大收旺場，由於收視同口碑甚佳，於是電視台隔咗一年，就火速開拍第三輯，命名為《孃王3 Special Edition》，繼續由原幹惠任主角，而配搭佢嘅AV女優就搵嚟天后級一姐明日花綺羅、佳山三花等，新面孔方面就有羽田愛，幾位都係人氣巨星，單係AV迷就已經不少了，未計原幹惠班電視粉絲，相信劇集一推出定大收旺場。
講番明日花綺羅，佢07年出道，當年勇奪多個AV界嘅大獎，好似HD獎、新人獎同埋最優秀女優獎，可見實力非凡，據講第二輯已經想搵佢演出，但佢啱啱同舊公司傾緊續約嘅事，於是最後冇答允拍攝，但電視台開拍第三集，就第一時間搵佢，而明日花竟一口答應。點解電視台同明日花都咁有信心呢？原來大家有所不知，明日花未拍AV前，原來就係喺六本木做俱樂部小姐，所以叫佢再做夜之女，可以話駕輕就熟，一啲難度都冇。另外，羽田愛呢個新人亦不容忽視，據講角色乃度身訂造，相信有機會一炮而紅，所以真係好期待呢部作品快啲推出呀！
日本嘅電視台喺黃金合家歡時間，當然唔可以有裸露鏡頭出現，但喺深夜時段播放嘅節目或者劇集，就可以容許一啲裸露鏡頭出現，由於呢啲節目都係低成本製作，所以一直冇乜人留意，但自從《孃王》播出後，便引起觀眾留意，所以單係第二輯嘅製作費，就同正式電視劇差唔多，相信第三輯仲會落足料加碼製作添！