有四仔迷話，四仔過癮嘅地方，就係題材夠多，單係惡搞荷里活電影同人氣電視劇嘅系列，唔單止睇得過癮，配合埋鹹趣嘅內容，娛樂性就更加豐富！事實上，歷年有唔少大牌電影同電視劇，都成為四仔惡搞嘅對象，今次就為大家帶嚟三部各具特色嘅惡搞四仔，唔知當中有冇你嘅心頭好呢？
去年一套3D電影《阿凡達》，憑住出色嘅立體效果同埋劇情，令全班科幻迷睇得如癡如醉。呢部咁高人氣嘅電影，又點能夠逃得過四仔片商嘅法眼呢？於是佢哋就根據《阿凡達》嘅劇情，推出四仔版嘅《This Ain't Avatar XXX》。故事同原作一樣，講述幾個地球人去到潘朵拉星，諗住睇吓當地部落嘅文明，點知竟然同土著發生感情，更同佢哋交埋配添！
片中人物全部都係按原作故事嘅人物設計而成，除咗藍色外形似到十足十外，當中嘅男女潘朵拉星人，個個都係赤身露體，男嘅日日挺住支棒棒，去同半裸女族人打友誼波。有四仔迷就認為，呢部作品彌補咗原作潘朵拉星人嘅文明中，所缺少嘅性生活部分喎！
此外，呢部電影連3D效果亦跟足，就連場景都同原作差唔多。據有關四仔片商指，為咗做到極佳嘅立體效果，佢哋投資過百萬美元喺立體效果上。四仔迷只要配備合適嘅3D影音器材，就可以欣賞到玲瓏浮凸、極具立體感嘅肉搏場面，難怪有人認為呢部作品，係近年四仔界嘅重頭作啦！
片名：This Ain't Avatar
出品：Hustler
片長：240分鐘
講到科幻電影同電視劇，相信冇人未聽過《星空奇遇記》，呢部咁出名嘅作品。從電視劇到電影，不知風靡咗幾多代美國人同科幻迷，故此成為四仔片商嘅惡搞對象，絕對係有佢嘅道理！而有別於其他人氣電影，呢齣戲嘅四仔版本非常多，但講到故事內容同當中四仔女星嘅質素，則以呢部《This Ain't Star Trek 2 XXX》最好。故事講述「企業號」嘅隊員，有日去到一個不知名嘅星體登陸，有男隊員偷偷同女隊員打野戰。點知被呢個星球嘅公主見到，話要玩埋一份！美艷公主嘅床技，令一眾男隊員傾心不已，個個爭住同佢曳曳，結果搞到隊員內訌，都唔知點收科！
片名：This Ain't Star Trek 2
出品：Hustler
片長：120分鐘
有別於先前嗰兩部改編自電影嘅四仔，呢部《This Ain't Hell's Kitchen XXX》，就係改編自人氣電視真人秀《地獄廚房》嘞！呢部以鬥廚藝而上位嘅真人電視節目，落喺四仔片商嘅手中，就變成一班靚女廚師，為咗冧掂評判，而不惜賣肉上床博上位。評判見到有索女埋身，梗係有殺錯冇放過啦！
呢部四仔除咗有情慾廚房戲外，仲有偷拍嘅片段，偷拍一班靚女喺節目完咗後，點樣色誘男評判，等佢哋可以畀高啲分。對於鍾意睇偷拍，加埋肉搏連場嘅四仔迷嚟講，係唔錯嘅選擇！
片名：This Ain't Hell's Kitchen
出品：Hustler
片長：120分鐘
撰文：阿豪