有人話過家陣係講求包裝嘅年代，大至買樓，小至買菜都要講包裝，有咗豪華包裝咁先可以吸引到客人畀錢購買。同樣地，夜總會小姐都一樣要包裝，而包裝除咗化妝之外，當然係靠一身制服啦！內地最近就有夜總會大玩制服誘惑，可以因應客人需要換上不同制服陪飲，甚至陪瞓。
近幾個月，內地大大加強掃黃力度，搞到性都東莞面目全非之外，北京、上海、溫州等地嘅夜場都無一幸免。幸而，近期打風情況稍為放緩，但係有心再次經營嘅夜場都未敢掉以輕心，做生意都做得特別鬼崇，例如好多髮廊都縮到入暗巷開張，企街女亦打扮得較為密實。當然，一系列嘅夜總會如果要做生意就要諗計減低風險，話晒咁大個場唔係話搬就搬，所以佢哋惟有改用蠱惑招數，以免太過張揚，招惹公安掃場，而招數就係聲稱場內冇小姐！冇晒小姐？咁又點樣吸引一心嚟玩樂嘅客人消費呢？小姐冇晒，不過有舞蹈演員表演助興嘛！據了解，重慶一間夜總會就將旗下嘅舞小姐重新包裝一次，將佢哋冠以舞蹈演員之名，工作主要於場內跳舞表演，性質只係娛賓而已，聽落就平和過以前嘅舞小姐或者三陪女郎好多啦！
有人了解過重慶呢間夜總會之後，發覺所謂嘅舞蹈演員又真係精於表演，鋼管舞，甚至係雜技都一一精通，於舞台上表演，台下觀眾睇到拍晒手掌！而掌聲如雷嘅原因，除咗係因為表演出色，仲因為佢哋嘅身材都經過嚴格挑選，身形相當吸引，而且樣貌亦極具姿色。另一方面，舞蹈演員其實仲可以入房陪客飲酒添！只要客人向經理講一聲，表示要佢哋入房表演，經理就會搵媽咪帶班舞蹈演員入房，由客人挑選。而最特別嘅地方，就係舞蹈演員會以不同制服出現喇！佢哋總共有五個大組，每組約有二至三十人。每次有客人入房表示要搵舞蹈演員表演，每組嘅媽咪就會帶旗下七至八個入房，而且每日都會換上不同制服，包括空姐服、護士服、ＯＬ服、時裝、迷彩服等等，各具特色兼性感，客人一定睇到眼甘甘。
入房見完客之後，如果被選中就會坐低陪酒，當然亦少不了表演跳舞啦！而跳嘅舞可以係鋼管舞，亦可以係脫衣舞，所以好多時候房間內都可以見到肉光四射，幾名赤裸嘅舞蹈演員不停扭動美妙胴體，又或者有裸女陪客人飲酒猜枚。飲完一輪酒，又係上房嘅時候，客人可以因應需要叫舞蹈演員帶多套制服上房，方便玩角色扮演遊戲作熱身！點樣角色扮演法？以ＯＬ服為例，囡囡會扮成女秘書又或者係兇惡女波士，不過最後都係由客人征服。另外，呢間夜總會仲有一手絕招，就係為方便客人玩完之後可以成功開公數，會將收費單做到好似正規餐飲發票一樣，睇落去好似幫襯完大餐廳咁款，客人有咩辦法唔去多幾次呢！
撰文：賢