近幾年，日本飲食文化已經喺香港落地生根，出街除咗可以見到大大小小嘅壽司店之外，仲可以見到小弟較鍾意幫襯嘅日本居酒屋喇！大家都知啦！壽司店座位窄一窄，想同愛人入去坐低，安心談吓情都唔得。居酒屋就唔同，除咗座位較闊落，最重要就係佢哋嘅食物都以爐端燒、酥炸為主，最適合就係佐酒，呢個時候同對方飲兩杯酒精度較高嘅清酒，晚間想有下文嘅機會就大大增加啦！
但係，如果大家去到日本歌舞伎町，一間叫做KOMACHI嘅居酒屋，就唔好帶女伴去喇！因為入面已經有大把性格豪放又好玩嘅女侍應。呢間居酒屋嘅老闆表示，請來咁多年輕好玩女侍應嘅目的，其實係想令辛苦工作過後落嚟幫襯嘅打工仔心靈上得到慰藉。
班女侍應除咗樂意陪客人玩樂之外，一身性感打扮仲會因應季節而轉換，但係換幾多套衫，都一樣會打出心口，露出深深嘅乳溝畀客人欣賞，所以話唔好帶埋女伴落去囉！
撰文：小德