呢期有部改篇自小說嘅電影《龍紋身的女孩》，故事圍繞一位被性虐過嘅紋身妹，智破一宗逾四十年嘅迷離懸案，但網民就話電影劇情草草交代，忽略重要細節，剪接突兀，欠缺完整性云云，其實講到尾無非都係睇紋身妹同性愛元素啫，咁不如實際啲睇吓四仔界幾位又癲又喪嘅紋身脫星，包冇冷場啦！
講Janine Lindemulder係第一位紋身脫星一啲都唔過分，查實喺阿妹出道前都有唔少紋身脫星，之不過學似佢咁誇，由手臂、背脊、臀部、大髀直至小腿都紋晒嘅，到目前只得佢一人。Janine Lindemulder 之所以要不斷紋身，據佢接受成人雜誌訪問時透露，第一次紋身係因為治療情傷喎！話說十年前，已諗住光榮引退，疊埋心水嫁人生仔，點知到埋門一腳發現男友一腳踏幾船，對方仲公開表明嫌棄阿妹係脫星，同佢一齊無非為錢。
搞到咁，Janine Lindemulder 決定休息半年後再重新出發。阿妹話：「我紋身並非想忘記過去，啱啱相反，我好想用紋身時刻警剔自己以後要帶眼識人！」而影迷對佢紋身就表示相當支持，結果阿妹正式開始紋身脫星生涯，幾乎每隔一個月就多一撻紋身，而當時亦有男優表示，從未試過同一位滿布紋身嘅脫星發生關係，感覺更欲罷不能，零舍有挑戰性。畀Janine Lindemulder咁搞，脫星界開始咗一股紋身風。哈！可惜，今日閣下想欣賞Janine媽嘅新作好難喇，其實年屆四張嘅佢經已宣布搵夠收工，唔會再「落場砌」，目前只會喺個人網頁更新寫真，想欣賞佢嘅胴體不妨上佢官網瞄瞄！
Janine Lindemulder Profile：
出生日期：1968年11月14日
三圍：38D-24-36
身高：5呎8吋
Janine Lindemulder就話紋身治情傷，但嚟自澳洲嘅脫星Monica Mayhem就因為紋身同老公離婚，真係信不信由你囉！有指阿妹喺未加入四仔界前，早已於澳洲嫁為人妻，但生性愛刺激嘅阿妹，就未經老公同意下紋身，事後另一半發晒火，阿妹都唔識驚，仲想拉埋另一半去紋餐飽，最後對方頂佢唔順，簽紙離婚收場。
此地不留人，Monica Mayhem惟有出走美國散心，但貪玩性格冇改變，更喺旅行途中自薦當脫星，公司有件咁索嘅人妻，當然即簽唔使諗啦！一出道嘅佢以少妻作包裝，喺四仔界火速上位，當事人話終於搵到自己，既可以享受高潮，同時又可以紋身兼夾搵到大錢，家陣佢嘅手臂、私處、小腿仲有手腕隱隱若若都有紋身。阿妹話：「希望每半年紋一次，直至全身紋滿為止！」
Monica Mayhem Profile：
出生日期：1978年3月14日
三圍：34C-26-36
身高：5呎5吋
脫星界咁多紋身妹，講到醒目肯定係Emma Mae喇！事關阿妹知道現今影迷鍾意欣賞紋身女人，但同時又唔鍾意紋到一頸都係，所以當事人就選擇局部紋身，喺佢嘅左臂同右腿玩彩繪，有需要時至騷畀大家睇，絕不影響皮光肉滑身材，難怪各路四仔迷都咁Buy你啦！
有時為咗搵食，唔單止尊嚴要放低，連皮膚都要出賣o架！好似Joanna Angel咁，喺Punk Pron界無人不識，更自組公司請脫星推出狂野系列四仔，錢途一片光明。但阿妹竟然爆料話入行初時只係想搵個位攝吓，連自己都估唔到會爆紅。呵！就因為搵到個筍位，Joanna Angel就要日紋夜紋，連頭髮都要染到五顏六色，無非都係為咗搵食咋！
撰文：祖