大春：我就鍾意用喬裝嘅方法，避免偷跳後有手尾喇！我會換過第二副眼鏡，帶多頂鴨嘴帽，外套仲會反轉嚟着！因為我去開嘅夜場地處旺區，唔花少少工夫真係好易畀老婆或佢嘅親戚朋友見到架！
香口豬：我去滾嘅時候亦會做足準備，第一件事，就係換電話卡喇！因為我本身英俊有型，好多囡囡都想溝我，如果唔同佢哋交換電話號碼又好似不近人情喎！所以就要用另一個電話號碼囉！
老行尊：我哋成班兄弟落夜總會玩嘅時候，之前一定會幫自己作個「偽名」，仲要綵排一輪，等大家都記得晒個偽名先可以正式行動！冇計啦！我哋落本地場玩，好可能撞到陀地妹，邊個估得到佢哋係咪同我哋嘅親友有關係喎！都係穩陣啲好！