有人認為醜樣嘅女人最需要整容，查實愈靚嘅女人先愈要整。一直被公認為脫星界索女嘅Nichole Heiress，虛報年齡眾所周知，但Nichole Heiress勝在身材樣貌呃到人。之不過早前阿妹就被網民踢爆去整容，而當事人例牌否認，更愈揭愈爆，呢鑊真係倒瀉籮蟹！
歲月催人老，Keep到五年撐唔到十年，更何況Nichole Heiress經常要面對群眾，心理壓力一定好大！接受唔到咪去整容囉，偏偏佢就否認，仲話自己只係去咗度假叉電，返嚟成個精神晒。有網民就此事為阿妹起底，喺佢嘅Blog內發現，阿妹放大假嘅日子，口講話去咗紐約，但相片就顯示係芝加哥嘅屋企同姊妹開P，咁好明顯係吹水啦！Nichole Heiress解釋：「網誌係事後寫嘅，或者係我記錯日子兼放錯圖片，大家毋須深究喎！」不過傳媒就問過相中嘅姊妹脫星，點知班囡囡唔生性，居然大爆係慶祝阿妹手術成功而開派對，之所以去佢屋企，純粹係擔心阿妹未見得人喎，呢啲姊妹真係唔話得囉！
斷到咁應，Nichole Heiress無話可說，但話分兩頭，作為外人根本冇人想知阿妹有否整容，只要閣下整得完美，欣賞都嚟唔切，阿妹又使乜咁鬼祟呢？「相信冇女人會想畀人指指點點，加上作為脫星，靠面口搵飯食，影迷知道真相愈多，挑剔亦愈多，所以脫星都習慣似是而非嘅對答，等大家多啲幻想空間，增加話題性！」嘩！照咁講Nichole Heiress嘅整容事件的確好成功，事關至今阿妹都未親口承認，但相頭就愈變愈後生，有影迷甚至攞出Nichole Heiress入行初嘅相做對比，發現今日嘅樣比五年前簡直判若兩人，眼耳口鼻胸腰臀都冇忽似，懷疑根本係兩個人嚟，死火，你今次係咪玩大咗？
出生日期：1984年1月21日
三圍：32D-25-34
身高：5呎1吋
撰文：祖