排骨仔：小弟今年三十五歲，早排識咗女友，第一次同佢上床時，真係覺得好刺激，事關女友嘅床技實在太犀利，幾乎任何招式都識得玩咁滯，之不過最近我發現咗一個問題，就係女友原來好鍾意玩扮樹熊，即係做愛嗰陣，要我將佢整個人抱起嚟玩，呢一招喺日本AV都經常見到，但以女友一百五十磅嘅身形，老實講，我真係頂唔順囉！
明哥：老兄，我非常同情你嘅遭遇，直頭可以話身同感受，事關我女友嘅重量同樣有番咁上下，但亦愛同我玩一啲最高難度招式。建議你不如走去做Gym，操大隻啲以應付需要。
Bob：「扮樹熊」呢招我都玩過幾次，的確幾吃力，幸好我女友細細粒又唔太肥，否則玩到手斷都似。如果你真係唔想玩呢招嘅話，其實可以直接開口講，又或者用另一種招式去取代都得啫！
肥妹嘉嘉：你哋呢班男人真係難服侍，女人喺床上面唔願郁就嫌人哋係死魚，依家你女友咁主動，而且床技又好，好心你就唔好嫌辛苦啦！講真句，好似你女友呢種咁玩得嘅女人，真係好難遇到！