成都金牛區一間私人會所，佢哋有間只供會員享用的夜總會，由於屬城中數一數二嘅夜場，所以裏面嘅囡囡全部都係揀手貨，聽講有啲比明星模特兒仲要漂亮，而最近佢哋更一改囡囡着晚裝嘅制度，大玩女僕制服誘惑，真係十分出位。
據呢間夜場嘅主任小方透露，由於客人全部都係城中嘅青年才俊、富豪二代，平均年齡只係廿五至三十歲之間，顧客群多數都係年輕人，所以如果夜場永遠一成不變，咁樣佢哋只要玩得三五七個月，就會自動生厭，咁之後就好難令佢哋再嚟幫襯，所以一定要保持新鮮感，於是高層絞盡腦汁，最後諗到用制服誘惑嚟留客，一來囡囡方便配合，二來客人有新鮮感，但係同時問題又嚟嘞。
咁多種制服，用邊一款制服最恰當？用學生校服，又怕有關方面敏感，用護士裝，又怕得罪人，用性感內衣，又怕個場Cheap咗，諗嚟諗去，最後畀佢哋諗到用女僕裝嚟做招徠，一來客人喜歡，二來囡囡合適，三來保持形象，唔會令個場冇面。
據小方講，佢哋過百個囡囡全部都會換上女僕裝嚟上枱，而女僕嘅精髓就係用娃娃音講：「係嘅主人！」，當中九成囡囡都可以令效果更理想，餘下一成多天生鵝公喉嘅，惟有避重就輕，以較溫柔嘅聲線嚟同客人傾偈！據小方講，客人多數都唔會介意！
具體程序，囡囡入房時就會齊聲講：「歡迎主人！」玩家之後就慢慢揀自己啱心水嘅女僕，揀好之後，囡囡就會成晚服侍你，至於有冇下文，就要客人同囡囡自己傾掂，夜場恕不負責。而據小方講，呢度金魚同木魚嘅比例係一半一半，揀啱金魚，就注定冇運行，但成都嘅朋友大多數都係嚟玩氣氛，所以佢哋都唔計較，而且據聞女僕裝推出後，反應一流，晚晚都爆晒棚，訂房要等成個星期，問你哋服未？
其實除咗成都，好多大城巿嘅夜總會，客人去玩都唔係志在有下文，佢哋視夜總會為聯誼娛樂嘅地方，假如你一心去嫖妓，就會畀人睇唔起。有人會問，咁啲囡囡食乜？咁你哋大可放心，呢啲大場單係坐枱小費，每晚最少都要四五百蚊，有啲貴到一千蚊都有，所以囡囡單係坐枱都可以月入過萬，仲使乜出賣肉體呢？而且做金魚仲可以待價而沽，隨時釣到大魚做少奶奶咪仲正！
撰文：小德